Yangi hujjatlar

Рукн архиви: Ижтимоий-иқтисодий

Feed Subscription

Ўзбекистон фуқаролари 54 та мамлакатга визасиз бориши мумкин

Ўзбекистон фуқаролари 54 та мамлакатга визасиз бориши мумкин. Бу ҳақда “Henley & Partners” консалтинг агентлиги томонидан чоп этилган Виза чекловлари индексига асосланиб, Anhor.uz хабар бермоқда. Нашрнинг таъкидлашича, ушбу индексда Ўзбекистон Сао Томе ва Принсипи, Гвинея, Мали, Нигер ва Того мамлакатлари билан биргаликда 74-поғонани эгаллади. Ўтган йил билан таққослаганда республика ўша жойида қолган, аммо визасиз мамлакатлар сони 52 дан 54 гача кўпайган. Визасиз айнан қайси мамлакатларга бориш мумкинлиги кўрсатилмаган. Бу борада Марказий Осиё мамлакатлари орасида Қозоғистон энг яхши кўрсаткичга эга бўлиб, ... Батафсил »

Табиатни муҳофаза қилиш давлат қўмитаси ҳисобида ортиқча 37 енгил автомобиль мавжудлиги аниқланди

Ўзбекистон Республикаси Ҳисоб палатаси ва Молия вазирлигининг ҳамкорликда 2014 йилнинг биринчи ярмида республика ва маҳаллий бюджетдан молиялаштириладиган 143 ташкилотда текширув ўтказди. Текширув натижалари ҳақидаги маълумот ЎзА сайтида эълон қилинган. Хусусан, Ўзбекистон Республикаси Табиатни муҳофаза қилиш давлат қўмитасида ҳам молиявий текширувлар ўтказилган. Натижада Қўмита ва унинг 21 бўлинмасида бюджет ва бюджетдан ташқари маблағлардан мақсадли фойдаланиш текширилганда, белгиланган чекланган сондан ташқари 37 енгил автомобиль мавжудлиги ва уларни сақлаш учун 106,4 миллион сўм ортиқча маблағ сарфлангани аниқланди. Табиатни муҳофаза қилиш давлат қўмитаси тизимидаги ... Батафсил »

Рамазон Ҳайити муносабати билан 28 июль дам олиш куни деб эълон қилинди

2014 йил 23 июль куни Ўзбекистон Республикаси Президенти Ислом Каримов “Рамазон Ҳайитини нишонлаш тўғрисида”ги қарорга имзо чекди. Қарорнинг расмий матни ЎзА сайтида эълон қилинди. Қарорда таъкидланишича, Ўзбекистон мусулмонлари идорасининг 2014 йилда Рамазон Ҳайитининг биринчи куни 28 июль, душанба кунига тўғри келиши ҳақида қабул қилган қарорини инобатга олиб, 2014 йил 28 июль куни дам олиш куни деб белгиланди ва мамлакатимизда байрам сифатида кенг нишонланади. Шунингдек, “Нуроний”, “Маҳалла” жамғармалари, “Камолот” ёшлар ижтимоий ҳаракати ва бошқа барча мутасадди идора, жамоат ташкилотлари Рамазон ҳайитининг ... Батафсил »

Президент Ислом Каримов қурилиш ишлари кетаётган “Минор” масжидига ташриф буюрди

Президентимиз Ислом Каримов 18 июль куни пойтахтимизнинг кўҳна Минор мавзесида қад ростлаётган янги муҳташам масжид биносига ташриф буюриб, қурилиш ишлари билан яқиндан танишди. Бу ҳақда, ЎзА хабар бермоқда. Хабарда таъкидланишича, юртбошимизнинг ғоя ва таклифлари асосида яратилган ушбу лойиҳада миллий меъморчилигимизнинг азалий анъана ва услубларидан фойдаланган ҳолда ҳар жиҳатдан бетакрор, муаззам мажмуа барпо этиш кўзда тутилган. Давлатимиз раҳбари бу ерда моҳир қурувчи ва усталарнинг фаолияти билан танишар экан, амалга оширилган кенг кўламли қурилиш ва ободончилик ишлари ҳақида фикр билдирди, мажмуани янада ... Батафсил »

Ўзбекистон ғаллакорлари ғалла режасини рекорд даражада бажаришди

Бугун, 16 июль куни, Ўзбекистон Республикаси Президенти Ислом Каримов Ўзбекистон ғаллакорларига ғалла режасини ортиғи билан бажарганликлари муносабати билан табрик йўллади. Табрик матни, ЎзАда эълон қилинди. Давлатимиз раҳбари деҳқон ва фермерларимиз, барча дала меҳнаткашларининг пешона тери, оғир ва машаққатли, шу билан бирга, шарафли меҳнати эвазига қўлга киритилган ғалаба билан чин қалбдан самимий муборакбод этди. Табрикда таъкидланишича, жорий йилда мамлакатимиз қишлоқ хўжалиги тарихида илк бор 8 миллион 50 минг тонналик юксак ғалла хирмони бунёд этилди. Таққослаш учун сўнги 6 йилдаги ғалла режасини ... Батафсил »

«Баркамол авлод-2014» якунлари бўйича айрим вилоят ҳокимларига ташаккурнома, айримларига ҳайфсан эълон қилинди

2014 йил 1 июль куни Ўзбекистон Республикасининг Бош вазири Ш.Мирзиёев “Ўрта махсус, касб-ҳунар таълими ўқув муассасалари ўқувчилари ўртасида «Баркамол авлод-2014» спорт мусобақалари ўтказилиши якунлари тўғрисида”ги Вазирлар Маҳкамасининг қарорига имзо чекди. Қарорда қайд этилишича, 29-31 май кунлари Наманган шаҳрида ўрта махсус, касб-ҳунар таълими муассасалари ўқувчилари ўртасида «Баркамол авлод-2014» спорт мусобақалари бўлиб ўтди. Мусобақаларнинг якунловчи босқичида спортнинг 16 тури бўйича 996 нафар спортчи қатнашди. Тошкент шаҳри, Наманган ва Самарқанд вилоятлари жамоалари мусобақаларда энг яхши натижаларга эришди. Шу билан бирга, орқада қолган жамоалар ... Батафсил »

Мустақиллик байрамига тайёргарлик кўриш тўғрисида Президент Қарори эълон қилинди

2014 йил 1 июль куни Ўзбекистон Республикаси Президенти Ислом Каримов “Ўзбекистон Республикаси давлат мустақиллигининг йигирма уч йиллик байрамига тайёргарлик кўриш ва уни ўтказиш тўғрисида”ги Қарорга имзо чекди. Қарорнинг расмий матни ЎзА сайтида эълон қилинди. Жорий йилда мустақиллик байрамлари “Ягонасан, муқаддас Ватаним, севги ва садоқатим сенга бахшида, гўзал Ўзбекистоним!” деган шиор остида ўтказилади. Ўзбекистон Республикаси давлат мустақиллигининг йигирма уч йиллик байрамига тайёргарлик кўриш ва уни ўтказиш бўйича Республика комиссияси шакллантирилди ҳамда комиссия олдига бир ҳафта муддатда ташкилий-амалий, маданий-маънавий ҳамда тарғибот-ташвиқот ишлари ... Батафсил »

Ягона порталда тадбиркорларни мажбурий ҳомийликка жалб этаётган раҳбарлар устидан шикоят қилиш имкони яратилди

Ягона интерактив давлат хизматлари портали – My.gov.uz порталида тадбиркорлар учун янги хизмат жорий қилинди. Порталда берилган хабарга кўра, Ўзбекистонда айрим раҳбар ва масъул ходимлар томонидан тадбиркорлик субъектларига нисбатан адолатсиз муносабатда бўлиш каби салбий ҳолатлар, хусусан, ортиқча ҳужжатларнинг талаб этилиши, тадбиркорлик субъектларини мажбурий меҳнат ресурсларига ҳамда ҳомийликка жалб этиш билан боғлиқ ноқонуний хатти-ҳаракатлар учраб турибди. Ягона интерактив давлат хизматлари портали санаб ўтилган ҳолатлар бўйича қонунбузарликлар содир этилганида тадбиркорлик субъектлари ўз иш жойларидан Адлия органларига Ягона порталдаги интерактив кўринишдаги шакл орқали шикоят ... Батафсил »

Шахмат бўйича жаҳон чемпиони бўлган ака-ука Синдоровларга Президент совғаси топширилди

Шахматнинг рапид ва блиц йўналишлари бўйича жаҳон чемпионлари – Исломбек ва Жавоҳир Синдоровларга Президентимиз совғаси топширилди. Бу ҳақда, ЎзА хабар бермоқда. Шу муносабат билан пойтахтимиздаги “Олимпия шон-шуҳрати” музейида тадбир бўлиб ўтди. Бу ёш иқтидорли болаларнинг халқаро майдонларда эришаётган юксак ғалабалари барчамизни қувонтиради. Яқинда Грециянинг Кавала шаҳрида мактаб ўқувчилари ўртасида шахматнинг рапид ва блиц йўналишлари бўйича ўтказилган жаҳон чемпионатида ёш шахматчиларимиз Исломбек ва Жавоҳир Синдоровлар иккитадан олтин медални қўлга киритгани ҳамюртларимиз қалбини фахр-ифтихорга тўлдирди. Жаҳон чемпионати ғолиблари Исломбек ва Жавоҳир Синдоровлар ... Батафсил »

Муборак Рамазон ойини муносиб тарзда ўтказиш тўғрисида Президент қарори эълон қилинди

2014 йил 24 июнь куни Ўзбекистон Республикаси Президенти Ислом Каримов “Муборак Рамазон ойини муносиб тарзда ўтказиш тўғрисида”ги Қарорга имзо чекди. Қарор матни, ЎзАда эълон қилинди. Қарорда таъкидланишича, эл-юртимиз учун асрлар давомида эзгулик, саховат, меҳр-шафқат, қаноат ва шукроналик рамзи бўлиб келаётган муборак Рамазон ойининг маънавий-руҳий ҳаётимиздаги алоҳида ўрни ва аҳамиятини инобатга олган ҳолда, жамиятимизда меҳр-оқибат, ўзаро аҳиллик ва ҳамжиҳатлик муҳитини янада мустаҳкамлаш, халқимизга хос олижаноб фазилатларни, миллий-диний қадриятларимизни асраб-авайлаш ва улуғлаш мақсадида мазкур қарор қабул қилинган. 2014 йил муборак Рамазон ойининг ... Батафсил »

Юқорига