Янги ҳужжатлар

Президент ва бошқа номли давлат стипендияларини олиш тартиби қандай?

Ҳуқуқий асос

Ўзбекистон Республикаси Президентининг давлат стипендиялари ҳамда номли давлат стипендияларини ва уларни тайинлаш тартиби Ўзбекистон Республикаси Вазирлар Маҳкамасининг 2008 йил 13 октябрдаги “Ўзбекистон иқтидорли ёшларини тақдирлаш ва моддий рағбатлантириш тўғрисида”ги қарорига асосан белгиланган.

 ЎЗБЕКИСТОН РЕСПУБЛИКАСИ ПРЕЗИДЕНТИНИНГ ДАВЛАТ СТИПЕНДИЯЛАРИ ҲАҚИДА

Президент стипендиялари кимларга берилади?

Ўзбекистон Республикаси фуқаролари бўлган давлат олий таълим муассасалари (бакалавриат ва магистратура бўйича алоҳида) талабаларига.

Қайси йўналишлар бўйича берилади?

Президент стипендияси квотаси (ўн битта) қуйидаги таълим йўналишларидан ҳар бири бўйича биттадан стипендия ҳисобидан бакалавриат ва магистратура учун алоҳида-алоҳида тақсимланади:

  • қишлоқ ва сув хўжалиги;
  • техника ва информатика;
  • соғлиқни сақлаш ва ижтимоий таъминот;
  • ижтимоий-гуманитар ва ижтимоий фанлар;
  • табиий фанлар;
  • бизнес ва бошқарув;
  • педагогика;
  • маданият, санъат ва спорт;
  • хорижий тиллар;
  • ҳуқуқ ва халқаро муносабатлар;
  • журналистика.

 Талабага стипендия беришда қайси мезонларга қаралади?

Талабаларга Президент стипендиясини тайинлаш учун қуйидаги мезонларни бажариш белгиланади:

  • умумтаълим тайёргарлигини илмий-тадқиқот (ижодий ишлар) ишлари билан уйғунлаштириш;
  • йўналишлар бўйича конференция (танлов)ларда қатнашиш;
  • камида иккита эълон қилинган ишлар (асарлар)нинг мавжудлиги;
  • тилларни – давлат тилини ва битта хорижий чет тилини билиш (Мустақил Давлатлар Ҳамдўстлиги мамлакатлари давлат тилларидан ташқари), бакалавриатдаги таълим йўналиши ёки магистратурадаги мутахассислик хорижий тил бўлган тақдирда эса қўшимча равишда яна битта хорижий тилни билиш талаб қилинади;
  • Ўзбекистон тарихини билиш.

Мазкур мезонларни билиш қандай ўлчанади?

Тилларни, ахборот технологияларини, Ўзбекистон тарихини билиш бўйича талаб даражаларини Олий ва ўрта махсус таълим вазирлиги белгилайди.

Талабгорлар ушбу фанлар бўйича ўз билим даражасини аниқлаш учун Вазирлар Маҳкамаси ҳузуридаги Давлат тест марказида (минтақалар бўйича) махсус тест синовлари топширадилар.

Тартиби қандай бўлади?

  1.  Талаба ОТМ илмий кенгашига тегишли ҳужжатларни топширади;
  2. ОТМ илмий кенгашлари яширин овоз бериш орқали, оддий кўпчилик овоз билан номзодларни кўрсатиш тўғрисида қарор қабул қилади;
  3. ОТМ маъмурияти илмий кенгаш қарори асосида стипендия тайинлаш ҳақида Олий ва ўрта махсус таълим вазирлигига тавсиянома жўнатади;
  4. Олий ва ўрта махсус таълим вазирлиги стипендиялар тайинланишидан аввал талабгорларнинг белгиланган мезонларга мувофиқ билим ва илмий (ижодий) тайёргарлик даражасини пухта экспертизадан ўтказади;
  5. Вазирликда тузилган танлов комиссияси талабгорларнинг якуний танловини яширин овоз бериш йўли билан ўтказади ҳамда талабгор ва унинг иши учун овоз беришда иштирок этган комиссия аъзоларининг камида учдан икки қисми овоз берганда талабалар номзодини Президент стипендиясини тайинлаш учун тавсия қилади;
  6. Олий ва ўрта махсус таълим вазирлиги ҳайъати танлов комиссиясининг қарорини тасдиқлайди.
  7. ОТМ маъмурияти талабага стипендияни тайинлаш ва тўлаш ҳақида буйруқ тайёрлайди.
  8. Стипендияга сазовор бўлган талабаларга “Президент стипендиясининг соҳиби” гувоҳномаси Олий ва ўрта махсус таълим вазирлиги ҳайъати мажлисида тантанали равишда топширилади.

Қандай ҳужжатлар топшириш керак?

Талаба дастлабки кўриб чиқиш учун ОТМ илмий кенгашига қуйидагиларни топширади:

  • синов дафтарчасидан кўчирма;
  • деканат, кафедра тавсияномаси;
  • илмий (ижодий) иш аннотацияси;
  • раҳбарнинг фикр-мулоҳазалари;
  • илмий (ижодий) ишга тақриз;
  • илмий ишлар рўйхати ва уларнинг босма нусхалари.

Барча ҳужжатлар икки нусхада тақдим қилинади. Ҳужжатларнинг ҳар бир тўплами жилдга жойланади, ҳар бир жилд муқовасида ишни тақдим қилган муассасанинг номи, талабгорнинг фамилияси, исми ва отасининг исми, ишнинг номи кўрсатилади.

Қачон кўриб чиқилади?

Олий ва ўрта махсус таълим вазирлиги стипендиялар тайинлаш ҳақидаги тавсияномаларни йилига бир марта кўриб чиқади. Ҳужжатларни қабул қилиш муддати – 1 – 15 август, кўриб чиқиш муддати – 10 – 25 сентябрь.

Қандай имтиёз бор?

Президент стипендияси соҳиблари бўлган талабалар ОТМни битиргач, икки йил давомида грант асосида магистратурага (бакалавр-стипендиатлар) кириш имтиҳонларисиз қабул қилинади.

Қандай чекловлар бор?

Кундалик дарсларни ўзлаштирмайдиган, ўқув интизомини ва илмий одоб-ахлоқни бузган талабаларни ўқув йили мобайнида стипендиядан маҳрум қилиш тасарруфида талаба ўқиётган ОТМ бўлган вазирликлар ва идораларнинг тақдимига биноан Олий ва ўрта махсус таълим вазирлиги ҳайъати қарори билан амалга оширилиши мумкин.

 

НОМЛИ ДАВЛАТ СТИПЕНДИЯЛАРИ ҲАҚИДА

Қандай номли давлат стипендиялари бор?

Ўзбекистонда 5 хил номдаги давлат стипендиялари бор. Булар:

  1. Беруний;
  2. Ибн Сино;
  3. Навоий;
  4. Улуғбек;
  5. Имом ал-Бухорий.

Неча нафар талабага стипендия берилади?

2014/2015 ўқув йили бўйича олинган маълумотга кўра, номли давлат стипендиялари жами 127 нафар талабага берилган.

Шундан:

Стипендия номи Ажратилган квота сони
1 Навоий

59

2 Беруний

40

3 Улуғбек

16

4 Ибн Сино

9

5 Имом ал-Бухорий

3

 Қайси курс талабаларига берилади?

Номли давлат стипендиялари бакалавриат бўйича ўқиётган охирги икки курс талабаларига тайинланади. Масалан, 4 йиллик ўқишда 3-4 курслар, 7 йиллик ўқишларда эса 6-7 курс талабаларига тайинланади.

Талабага стипендия беришда қайси мезонларга қаралади?

Стипендияларни тайинлаш учун қуйидаги мезонларни бажариш белгиланади:

аъло ўқиш ва илмий (ижодий) ишларда иштирок этиш;

тилларни – давлат тилини ва битта хорижий (Мустақил Давлатлар Ҳамдўстлиги мамлакатлари давлат тилларидан ташқари) тилни билиш, бакалавриатдаги таълим йўналиши хорижий тил ҳисобланган алоҳида ҳолларда қўшимча равишда яна битта хорижий тилни билиш; Ўзбекистон Республикаси фуқароси бўлмаган шахслар учун эса ўқиш олиб бориладиган тилни қўшимча равишда билиш талаб қилинади.

Тартиби қандай бўлади?

  1. Талаба ОТМ илмий кенгашига тегишли ҳужжатларни топширади;
  2. ОТМ илмий кенгашлари яширин овоз бериш орқали, оддий кўпчилик овоз билан номзодларни кўрсатиш тўғрисида қарор қабул қилади;
  3. ОТМ маъмурияти илмий кенгаш қарори асосида стипендия тайинлаш ҳақида Олий ва ўрта махсус таълим вазирлигига тавсиянома жўнатади;
  4. Олий ва ўрта махсус таълим вазирлиги стипендиялар тайинлаш ҳақидаги тавсияномаларни кўриб чиқади ва қарор қабул қилади;
  5. ОТМ маъмурияти талабага стипендияни тайинлаш ва тўлаш ҳақида буйруқ тайёрлайди;
  6. Стипендияга сазовор бўлган талабаларга махсус гувоҳномалар берилади ва талабаларнинг ўқиш жойида тантанали вазиятда топширилади.

 Қандай ҳужжатлар топшириш керак?

Талаба дастлабки кўриб чиқиш учун ОТМ илмий кенгашига қуйидагиларни топширади:

  • синов дафтарчасидан кўчирма;
  • деканат, кафедранинг тавсияномаси;
  • илмий (ижодий) иш раҳбарининг фикр-мулоҳазаси;
  • тиллар кафедрасининг суҳбат натижалари ҳақидаги маълумотномаси.

Барча ҳужжатлар жилдга тикилган ёки папкага жойланган ҳолда тақдим этилади. Муқовада номли давлат стипендиясининг номи, талабгорнинг фамилияси, исми ва отасининг исми, факультети, курси, гуруҳи кўрсатилади.

Қачон кўриб чиқилади?

Олий ва ўрта махсус таълим вазирлиги стипендиялар тайинлаш ҳақидаги тавсияномаларни йилига бир марта кўриб чиқади. Кўриб чиқиш муддати – 10 – 25 сентябрь.

Қандай имтиёз бор?

Номли давлат стипендияларига сазовор бўлган талабалар бакалавриатни тугатганидан сўнг бир йил мобайнида, тегишли мутахассислик бўйича магистратурага кириш имтиҳонларисиз, грант асосида қабул қилинадилар.

Қандай чекловлар бор?

Талабаларни кундалик дарсларни ўзлаштирмаганлик, ўқув интизомини ва илмий одоб-ахлоқни бузганлик учун ўқув йили мобайнида номли давлат стипендияларидан маҳрум қилиш ОТМ тақдимномаларига биноан тегишли вазирликлар ва идоралар буйруқлари билан амалга оширилиши мумкин.

Мазкур мақола Сизга манзур бўлдими?
  • Ҳа (362)
  • Йўқ (25)
  • Бироз (17)

26 фикр

  1. salom Xushnud aka menda maqola bo’yicha savol bor edi. savolim prezident stipendiyasi yoki nomli davlat stipendiyalari necha yil to’lanadi yoki magistrlik davrida ham to’lanadimi? 2-savolim hozirgi kunda prezident va har bir nomli stipendiyalar miqdori qancha ekanligini qayerdan bilsam bo’ladi? javob uchun raxmat
    e-mail: hercules@umail.uz

  2. Assalomu aleykum. Savolim quyidagicha, 4-kurs oxirida ham Nomdor stipendiyani olsa bo’ladimi? Nomdor stipendiya nomzodlar ishlarini oliygoh ko’rib chiqadimi yoki vazirlik? Eshitishimcha oliygoh ko’rib chiqib, shunchaki tasdiqlatgani bittasini olib borib ko’rsatadi. Rahmat…

  3. javobni pochtaga jo’natiladimi?

  4. Саволларингизни ҳаммасига юқорида жавоб бор. Ўқиб олишни тавсия қиламан.

  5. Sizni maqolayizda 3-4-kurslarga deyilganda, lex.uz da boshqacharoq edi shartlari. bu shunchaki oydinlik kiritish uchun. Ha yana, nomdor (Ulug’bek) stipendiyasi nomzodlarni ishlarini hammasini vazirlik ko’rib chiqadimi (shunga aniq javob yozing, iltimos)?

    • Мақолада ўша Lex.uz даги ҳужжатга ҳам линк берганман, тушунмовчилик бўлган бўлса, кириб текшириб олишингиз мумкин.

  6. Javob uchun rahmat, oldindan.

  7. Avvalambor assalomu alaykum Xushnud aka. manda shu maqola bo’yicha 1 ta savol bor edi. Maqolada 3-4 kursda olsa bo’ladi va har yilning 10-25 sentabr kunlar ko’rib chiqiladi deb yozilgan. Agar talaba 4 kursni sungida tavsiya etilsa, Magistratura neriladigan imtiyoz qanday bo’ladi?? 10-25 sentabrda magistraturani javoblari e’lon qilib bo’ladiku. javob uchun oldindan rahmat!

  8. Xushnudbek, yuqoridagi savollarga bergan javobingizga qaraganda yo sizni savollarga javob bergingiz kelmayapti, yoki bilmadim boshqa sabab bor. Savollarga juda g’alati javob berar ekansiz. Haqiqatdan ham maqola 3-4 kurslarga degan joyini ko’pchilik tushunmayapti. Shuni qisqa qilib, 2 kursni bitirib 3 kursga ko’chayotganda, bu maqoladagi 3 kursga to’g’ri keladi; 3 kursni bitirib 4 kursga ko’chayotganda, bu esa maqoladagi 4 kursga to’g’ri keladi deyish mumkin-ku!
    Xafa bo’lmangu, maqolaga ijodiy yondashib ushbu stipendiya uchun harakat qilayotgan yoshlarga deyarli hech qanday maslahat yoki boshqa narsa yozmagansiz, shunchaki stipendiya olish Nizomini yozib qo’ygansiz. Masalan, ko’pchilik qaysi yo’nalishda o’qishidan qat’iy nazar ingliz tili, informatika, O’zbekiston tarixi fanlaridan o’zi o’qiyotgan Oliy ta’lim muassasasida test topshirishini bilmaydi. O’zining yo’nalishi bo’yicha hech qanday imtihon topshirilmaydi, faqatgina ilmiy ishlar to’plamini taqdim etadi. Ilmiy ish deyilganda esa ularning chop ettirgan maqola va tezislari hisobga olinadi, hammualliflar bilan birga chop etilganlari ham hisobga o’tadi. Bundan tashqari har bir maqola talabgorga bir baldan qo’shimcha bal beradi, ya’ni ishlar soni qanchalik ko’p bo’lsa shunchalik yaxshi, chet el nashrlarida maqola chop ettirgan talabgorning imkoniyatlari boshqalarnikidan yuqoriroq bo’ladi va hokazolar kabi maslahatlar berishingiz mumkin edi, chunki Sizni bilishimcha, bu narsalar sizga ma’lum edi. keyingi maqolalaringizda shularni hisobga olasiz deb umid qilaman. Ishlaringizga omad tilayman.

  9. Magistraturada stipendiyaga hujjat topshirish qachon amalga oshiriladi?

    • Бакалавр билан бир хил вақтда топширилади.

  10. Stipendiyat bo’lgandan keyin, Doktaranturaga kirish uchun imtiyozi bormi?

    • Имтиёз йўқ

      • 9-may, 2017-yil 8:30da My5 telekanalida “Ilmiy darajalar” borasidagi OAK, DTM va boshqa tashkilot rahbarlari ishtirokidagi ko’rsatuvda Prezident stipendiyantlari Doktorantura bosqichiga imtihonsiz qabul qilinishini ta’kidlashdi.

  11. Maqola orqali ancha ma’lumotlarga ega bo’ldim. Ammo bir savolim bor edi: Hujjatlar OTM ilmiy kengashiga 1-15 avgust kunlari topshirilsa, 10-25 sentabr kunlari Oliy va o’rta maxsus ta’lim vazirligi tavsiyanomalarni ko’rib chiqsa, stependiyalar 1 sentabrdan boshlab berilarkan. Maqolangizdan nomli davlat stipendiyalariga sazovor bo’lgan talabalarga keyingi o’quv yilidan boshlab stipendiyalar berila boshlanadimi?
    3 bosqichni tamomlab ham hujjatlar topshirish mumkinmi yoki faqat 2 bosqichni tamomlagandan so’ngmi?
    Javob uchun oldindan rahmat

  12. assalomu aleykum.maqola orqali ancha ma’lumotga ega bo’ldim. savolim sessiyada o’rta baho olganlar ham stipendiyaga nomzodini qo’ya oladimi.baholar qanaqa bo’lishi haqida ma’lumot bering.javob uchun oldindan raxmat

  13. 3 – разрят билан Суварчик булиб ишлаган ходим 15 – беш йил истаж билан 55 ёшда имтиёзли пенсияга чикса МЧЖ (масулияти чекланган жамият)и Унга йэтмай колган 5 йил учун МЧЖ томонидан туланадими???

  14. Xushnudbek aka Javob uchun rahmat, oldindan.

  15. Assalomu alaykum Xushnudbek aka avvalam bor yangi xabarlar berganingiz uchun raxmat katta. Meni sizga savolim bor edi. 68 ball toplagan oquvchi xammasiham qabul qilinmaydi degan joiga. Nechta orin berilar u talabalar uchun? Javob uchun oldindan raxmat.

    • Буни махсус комиссия ҳал қилади. Ҳали аниқмас.

Фикр билдиринг

yoki
Saytga kirganingizdan so‘ng fikr bildirish imkoniyatiga ega bo‘lasiz
Юқорига