Yangi hujjatlar

Қурбон ҳайити 24 сентябрда нишонланади

2015 йил 18 сентябрь куни Ўзбекистон Республикаси Президенти Ислом Каримов “Қурбон ҳайитини нишонлаш тўғрисида”ги қарорга имзо чекди. Қарорнинг расмий матни ЎзА сайтида эълон қилинди.

Қарорда таъкидланишича, Ўзбекистон мусулмонлари идорасининг 2015 йилда Қурбон ҳайитининг биринчи куни 24 сентябрь, пайшанба кунига тўғри келиши ҳақида қабул қилган қарорини инобатга олиб, 2015 йил 24 сентябрь куни дам олиш куни деб белгиланди ва мамлакатимизда байрам сифатида кенг нишонланади.

Шунингдек, Республика “Нуроний”, “Маҳалла” жамғармалари ва бошқа барча мутасадди идора, жамоат ташкилотлари Қурбон ҳайитининг жойларда тартибли ва юқори даражада, халқимизнинг миллий қадриятларига мос равишда ўтиши учун тегишли тадбирларни амалга ошириши белгиланди.

Маълумот ўрнида айтиш жоизки, Меҳнат кодексининг 131-моддасига асосан Ўзбекистонда байрам (ишланмайдиган) кунларининг сони 9 та бўлиб, булар қуйидагилар:

1 январь — Янги йил;
8 март — Хотин-қизлар куни;
21 март — Наврўз байрами;
9 май — Хотира ва қадрлаш куни;
1 сентябрь — Мустақиллик куни;
1 октябрь — Ўқитувчи ва мураббийлар куни;
8 декабрь — Конституция куни;
Рўза ҳайит (Ийд ал-Фитр) диний байрамининг биринчи куни;
Қурбон ҳайит (Ийд ал-Адҳа) диний байрамининг биринчи куни.

Меҳнат кодекси дастлаб қабул қилинганда, байрам кунларининг сони 7 та бўлган. Кейинчалик унга 1 октябрь (1996 йил) ва 9 май (1999 йил) қўшилган.

Мазкур мақола Сизга манзур бўлдими?
  • Ҳа (39)
  • Йўқ (2)
  • Бироз (0)

3 фикр

  1. Barcha yurtdoshlarimizni qurbon hayit bayrami bilan tabriklayman, o’zbek ahlini, jamiki musulmonlarni oilasida tinchlik, omonnlik, baxt hamisha hamroh bo’lishini yaratkandan sorab qolaman, barchamizga iymon isof va aql bersin barchaga xayit bayrami qutluq kelsin.

  2. Xayit bayramida dam olish kuni yakshanba kuni ish kuniga ko’chirilmaydimi?

Фикр билдиринг

yoki
Saytga kirganingizdan so‘ng fikr bildirish imkoniyatiga ega bo‘lasiz
Юқорига