Yangi hujjatlar

Rossiyadagi talabalarga hech qanday to‘siqlarsiz o‘qishini O’zbekistonga ko‘chirish imkoniyati berilishi mumkin

O‘zbekiston Respublikasi Prezidenti Shavkat Mirziyoyevning 2017-yil 16-noyabrdagi “Respublika oliy ta’lim muassasalari bakalavriatiga kirish test sinovlarini o‘tkazish tartibini takomillashtirish to‘g‘risida”gi qarori asosida joriy yildan boshlab yurtimizdagi OTMlarga qabul jarayonlari mutlaqo yangi tizimda o‘tishidan allaqachon xabaringiz bo‘lsa kerak.

Bugungi kunda yuqoridagi Prezident qarorida belgilangan vazifalar ijrosini ta’minlash maqsadida bir qator normativ-hujjatlarga o‘zgartirishlar kiritilishi kutilmoqda.

Bizdagi ma’lumotlarga ko‘ra, shunday o‘zgarishlardan biri xorijdagi OTMlarda tahsil olayotgan O‘zbekiston yoshlarining yurtimizga o‘qishini ko‘chirish jarayonlarida ham rejalashtirilmoqda.

Xususan, xalqaro tan olingan tashkilotlarning reytingida birinchi 1000 talik ro‘yxatiga kiritilgan Rossiya davlat oliy ta’lim muassasalarida ta’lim olayotgan talabalarning arizalariga muvofiq o‘qishini sinovlarsiz to‘lov-kontrakt asosida ko‘chirish masalasi ko‘rib chiqilmoqda.

Agar ushbu yangi tartib joriy etiladigan bo‘lsa, unda kuchli 1000 talikdan joy egallagan Rossiyadagi OTMlarda tahsil olayotgan talabalar hech qanday to‘sqinliklarsiz, shunchaki ariza berish orqali o‘qishini yurtimizga ko‘chirishlari mumkin bo‘ladi.

O‘qishini ko‘chirishni istagan talaba yo‘nalishi to‘g‘ri keladigan istalgan OTMni tanlashi mumkin bo‘ladimi yoki bunga ham qandaydir cheklovlar bo‘ladimi (masalan, faqat doimiy propiskada bo‘lgan hududdagi OTMga), bu hozircha aniq emas.

Mushtariylarni yana bir savol qiziqtirishi mumkin, ya’ni aynan qaysi xalqaro reyting asos qilib olinadi? Hozircha bu ham aniq emas, lekin imtihonsiz nostrifikatsiya bilan bog‘liq avvalgi amaliyotdan kelib chiqilsa, Oliy va o‘rta maxsus ta’lim vazirligi hamda Davlat test markazining qo‘shma qarorida uchta xalqaro tashkilot reytinglari hisobga olinishi belgilab qo‘yilgan edi. Bular:

1) QS – Quacquarelli Symonds;

2) ARWU –  The Academic Ranking of World Universities;

3) THE – Times Higher Education.

Shuni inobatga olib, yuqoridagi uchta xalqaro reytingda kuchli 1000 talikka kirgan Rossiya OTMlari ro‘yxatini shakllantirib chiqdim. Mabodo qaror tasdiqlansa, unda Rossiyaning quyidagi 27 ta OTMlaridan o‘qishni imtihonsiz ko‘chirish mumkin bo‘ladi:

OTM nomi

Reytinglardagi o‘rni

QS

THE

ARWU

Bauman Moscow State Technical University 291 801–1000
Far Eastern Federal University 601-650  –
Higher School of Economics 351–400
ITMO University 601-650 501–600
Kazan (Volga region) Federal University 441-450 401–500
Lobachevsky State University of Nizhni Novgorod 701-750 801–1000
Lomonosov Moscow State University 95 194 93
Moscow Institute of Physics and Technology (MIPT / Moscow Phystech) 355 251–300 501-600
Moscow State Institute of International Relations (MGIMO University) 373
National Research Nuclear University MEPhI (Moscow Engineering Physics Institute) 373 401–500
National Research Saratov State University 551-600 801–1000
National Research Tomsk Polytechnic University 386
National Research University Higher School of Economics (HSE University) 382
Novosibirsk State Technical University 801-1000 801–1000
Novosibirsk State University 250 401–500 401-500
Peter the Great Saint-Petersburg Polytechnic University 401-410 601–800
Plekhanov Russian University of Economics 801-1000
RUDN University 501-550
Saint Petersburg State University 240 401–500 301-400
Samara National Research University (Samara University) 801-1000
Samara State Aerospace University 601–800
Southern Federal University 551-600 801–1000
The National University of Science and Technology (MISIS) 501-550 601–800
Tomsk Polytechnic University 301–350
Tomsk State University 323 501–600
Ural Federal University 491-500
Voronezh State University 801-1000
Мазкур мақола Сизга манзур бўлдими?
  • Ҳа (101)
  • Йўқ (7)
  • Бироз (5)

7 фикр

  1. Факат Россия учунми? Украинада укиётганларам купчтликни ташкил килади

  2. Assalomu aleykum Xushnudbek aka.bitta savolim bor edi.Qarorga asosan 2018/2019 o‘quv yilidan boshlab Toshkent arxitektura-qurilish instituti, Samarqand davlat arxitektura-qurilish instituti va Namangan muhandislik- qurilish institutida sirtqi (maxsus sirtqi) ta’lim tashkil etiladi.
    Maxsus sirtqi ta’lim shakliga arxitektura va qurilish sohasidagi yoki turdosh ta’lim yo‘nalishi bo‘yicha o‘rta maxsus, kasb-hunar ma’lumotiga va ta’lim yo‘nalishiga muvofiq soha, kasb, lavozimlarda kamida uch yillik amaliy ish stajiga ega bo‘lgan, Davarxitekturqurilish qo‘mitasi tomonidan tavsiyanoma berilgan hamda test sinovlari va (yoki) kasbiy (ijodiy) imtihondan muvaffaqiyatli o‘tgan abiturientlar hisobidan amalga oshirilib, o‘qish to‘lov-kontrakt asosida tashkil etiladi deyilgan.maʼlumotim oʻrta maxsus.kadastr sohasida 4 yildan buyon ishlayman.sirtqi taʼlimga oʻqishga biz xam xujjat topshirsak boʻladimi? Javob uchun oldindan raxmat.

  3. avvalam bor assalom alekum. savolim shundan iboratki man hozirda rossiyadagi samarskiy gosudarstvenniy meditsinskiy unversitetda 1- kurs talabasiman. inostranniy lichebniy fakultetda. СамГМУ desa ham buladi. men ham perevod qilsam buladimi imtihonsiz kantrak shartnomasi asosida. javob uchun oldindan raxmat.

    • Тепадаги мақолани яхшилаб ўқиб чиқинг, мумкин ёки мумкин эмаслигига ўзингиз мустақил баҳо бера оласиз.

  4. Салом хаммага перевот масаласи хакида кандай йангилик бор .качондан бошласа булади .ва кандай документ лар керак кандай чекловлар бор.олдиндан рахмат жавобни кутаман.

Фикр билдиринг

yoki
Saytga kirganingizdan so‘ng fikr bildirish imkoniyatiga ega bo‘lasiz
Юқорига