Özbekiston yoşlar terma jamoasi Osiyo kubogi finalida Saudiya Arabistoniga mağlub böldi

Yutqazdik. Qayerda? Finalda! Finalda kimlar yutqazmagan. Saudiya haqiqatdan ança kuçli ekan. Butun çempionat davomida birorta gol ötkazmagan terma jamoa kuçliligi aniq-da.

Har mağlubiyat keyingi ğalabalar uçun deboça. Xulosa çiqariş uçun tajriba.

Lekin oçiği, yutqazganimiz ham yomon bölmadi. Sababi uşbu terma jamoaning asosiy vazifasi 2 yil keyin Parij-2024 olimpiadasiga çiqiş. Agar hozir çempion bölişganida biz doimgidek yigitlarimizni super yulduzga aylantirib, tadbirma tadbir sudrab, mahallama mahalla gastrolda olib yurib, çiqmagan tok-şousiyu, bormagan konserti qolmasdan, hatto “Yor-yor” yoki “Mening qaynonam general” degan körsatuvlargaça çiqardi. Maşğulotlar çala-çulpa bölib, motivatsiya tugardi. Biz bunaqa çempionlarni kötar-kötar qilib “öldirişni” juda yaxşi eplaymiz.

Hali bu yigitlar bilan Olimpiada, Jahon çempionatlariga çiqişimiz kerak. Öşançun balki yutqazgani hikmatli bölgandir.

Mayli, nima bölsa ham, yigitlarimizga katta rahmat! Bizga olam-olam quvonç va hayajon taqdim etişdi.

Baraka topinglar! Ösişdan töxtamanglar, burningiz kötarilib ketmasin. Hali hammasi oldinda.

👉 @xushnudbek 👈