Quriliş vazirligi sohadagi korrupsiya haqida tanqidiy fikr bildirgan tadbirkor ustidan IIVga ariza kiritdi
Quriliş vazirligi sohadagi korrupsiya haqida tanqidiy fikr bildirgan tadbirkor ustidan IIVga ariza kiritdi
Joriy yilning 29-avgust kuni quriliş sohasidagi tadbirkorlar bilan ötkazilgan oçiq muloqotda tadbirkor Usmonjon Abdusamadov Toşkent şahri va viloyatida uy-joy qurişga ruxsatnoma olişda korrupsion holatlar borligi, bunda bitta uy quriş uçun örtaça 200 ming dollar (Toşkent viloyatida 100 ming dollar) qöşimça xarajat qilinişi haqida aytgandi.
Quriliş va uy-joy kommunal xöjaligi vazirligi esa tadbirkorning bu tanqidini asossiz, deb topib, "quriliş sohasida respublika miqyosida olib borilayotgan islohotlarga, soha vakillari hamda vazirlikka nisbatan salbiy munosabat şakllanişiga sabab bölgani" uçun unga nisbatan IIVga ariza kiritdi.
Şundan söng, uşbu holat keng muhokama qilinib, tadbirkorning himoyasiga qaratilgan bayonotlar berildi. Jumladan:
Oliy Majlis Qonunçilik palatasi Tadbirkorlik, raqobatni rivojlantiriş va sanoat masalalari qömitasi raisi, "Yuksaliş" harakati rahbari Bobur Bekmurodov:
"Tadbirkorning eʼtirozlarini sohaga emas, mavjud muammolarga berilgan baho sifatida qaraş lozim. Va aksinça, bildirilgan tanqid ortidan ruxsat beriş jarayonlarining şaffofligini yanada oşiriş, jamoatçilik iştirokini kengaytiriş kerak deb, hisoblayman".
Biznes-ombudsman:
Tadbirkor bildirgan tanqidiy fikri uçun jazolanişiga yöl qöyilmaydi. Mazkur holat Biznes-ombudsman tomonidan tadbirkorga nisbatan taʼqib sifatida baholanadi.
Agar tadbirkor soha rivoji yölida fikr bildirsa, bu holat tanqid va jazoga sabab bölmasligi lozim. Aksinça, bunday fikrlar muammolarni hal etiş uçun imkoniyat sifatida qabul qilinişi zarur".
- 4 Telegram Stars
